Sally Walker Language Services

Cyfieithu Proffesiynol • Cysodi a DTP • Cyfieithu ar y pryd

Pryd mae angen hwn?

Rydym wedi pendroni cryn dipyn ynghylch sicrhau bod gwaith yn mynd yn ei flaen yn rhwydd ac i’r perwyl hwn rydym wedi cynllunio calendr arbennig. Os glynwn i gyd wrth y calendr hwn, dilëir pob problem. Byddwch gystal â rhoi gwybod i ni am unrhyw wyriadau a fedrent fod yn angenrheidiol er mwyn cwrdd â gofynion eich Cwmni.

“O, gyda llaw, mae angen hwn erbyn Dydd Gwener!”

GWY	GWE	GWE	GWE	IAU	MER	MAW
8	7	6	5	4	3	2
15	14	13	12	11	10	9
22	21	20	19	18	17	16
29	28	27	26	25	24	23
36	35	34	33	32	31	30

Datblygwyd y calendr hwn er mwyn ymdopi â gwaith brys. Mae’n rhaid i bob gwaith brys gael ei gwblhau ddoe, felly mae’r dyddiadau i gyd yn rhedeg ar yn ôl. Gyda’r calendr hwn, gall cwsmer osod archeb am waith ar y 7ed a’i dderbyn ar y 3ydd.

Mae pawb eisiau gwaith wedi ei gwblhau erbyn Dydd Gwener – felly mae yna dri Dydd Gwener ym mhob wythnos.

Mae yna bum diwrnod newydd ar ddiwedd bob mis – ar gyfer y tasgau ‘diwedd y mis’ hynny.

Nid oes diwrnod cyntaf i’r mis – felly nid yw’n bosibl cyflawni’r tasgau ‘diwedd y mis’ yn hwyr.

Nid yw neb yn hoffi Dydd Llun – felly dilëwyd hwy.

Nid yw Dydd Sadwrn na Dydd Sul yn bodoli – er mwyn cadw cyfraddau tâl dros ben oriau i leiafswm.

Mae yna ddiwrnod arbennig bob wythnos o’r enw ‘ Dydd Gwyrth’ wedi ei neilltuo ar gyfer ‘Cyflawni Gwyrthiau’.